ВИТЕЛЛОГЕНЕЗ

ВИТЕЛЛОГЕНЕЗ (лот. vitellus — сариқлик ва…генез) — сариқлик ҳосил бўлиши, ооцитларнинг тез ўсиш фазасида уларда сариқлик синтезланиши ва тўпланиши. Бу жараёнда ооцитнинг иштироки оогенез типига боғлиқ. Солитар оогенезда сариклик оқсиллари ооцитнинг гранулалашган эндоплазматик тўрида (яъни эндоген) синтезланади; Гольжи комплексида эса сариқлик гранулалари шаклланади ва углеводлар оқсилларга бирикади. Алиментар оогенезда сариқлик оқсилларининг асосий қисми тухумдондан ташқарида (яъни экзоген) синтезланади ва пиноцитоз орқали гемо-лимфадан ёки қондан ооцитга ўтади; сариқлик гранулалари эса вителлогенин оқсилидан пиноцитоз пуфакчаларда шаклланади. Бу пуфакчалар бирбири ва Гольжи комплекси моддалари б-н қўшилади. Бир қанча моллюскалар ва сувда ҳамда қуруқлиқда яшовчиларда кристаллик тузилган сариқлик гранулалари митохондрияларда шаклланади.

---

Кирилл алифбосида мақола: ВИТЕЛЛОГЕНЕЗ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)