ВОИЗ

ВОИЗ (араб.) — жамоат олдида нутқ сўзловчи, воизлик билан шуғулланувчи киши, профессионал нотиқ. Воизлар чуқур билим, юксак маданият ва махсус ижрочилик салоҳияти (чиройли ва таъсирчан овози, аниқ ва равшан талаффуз, ўз замонаси учун етакчи тилларни мукаммал билиш ва б.) га эга бўлган. Мусулмон шарқининг йирик олимлари, дин арбоби, адиб ва б. кўпинча етук Воизлар ҳам бўлганлар. Хожа Муайяд Меҳнагий, Мавлоно Риёзий, Ҳусайн Воиз Кошифий, Мавлоно Муин Воиз Ҳиравий, Баҳоуддин Валад, Жалолиддин Румий, 20-а. да муфти Зиёвуддинхон Эшон Бобохон ўғли ва б. сўз қудрати ва жонли нутқ санъати билан ўз замонасининг машҳур Воиз лари бўлганлар.

---

Кирилл алифбосида мақола: ВОИЗ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)